我估我由雨傘運動開始，已經不斷問自己呢個問題。另一個問題就係，如果有神，點解神唔幫手呢? (當然仲有9萬幾個問題, 例如: 班hihi幾時落地獄, etc)
any肥, 開首呢個我問左自己好幾年既問題，最近我覺得有人答到我。呢個人就係佢地:
好青年荼毒室，之前有睇過佢地既書, 但係真正開始固定睇佢地既片, 係嚟左英國之後先開始。最初，天真地以為，離開左香港，唔聽唔睇就唔會諗，就唔會有苦惱。事實係，的確，睇少左聽少左係感覺舒服D。但係, 唔理唔代表唔存在，同理，離開唔代表同個地方完全切割。反而，會諗得更多。
窮則獨善其身，達則兼善天下
豬文話, 佢最近先深刻體會呢一句來自<孟子>的說話。
先解解呢句說話: 「窮」，指不得志，或遇上逆境。「達」，指得志，或處於 順境。 全句的意思是：當我們鬱鬱不得志，遇上人生逆境時， 要做好自己本份，修養品德；到人生得意，處於順境時，就 要發揮所長，多做有益社會大眾的事。
咁既解法, 係好大路亦好正路。豬文就話, 佢覺得喺而家呢種逆境，如果我地將個目標, 唔係話下下都要打大佬, 而係set做如何做好每日既自己，每日都要俾昨日既自己做得更好。豬文有句講得特別精闢：”無論你遭逢緊D咩痛苦或傷害，都無人可以step into你個self cultivation(自我修養)既道路上面。甚至嗰D係會令你成為更好既人…如果你個人生目標，唔係focus在個世界係咪改善左，而係放喺自己係咪成為一個更好的人的話呢，真係無人可以阻止你。”
呢段短短的直播精華，係近呢幾年我聽過，關於亂世中如何自處中，最有說服力嘅說話。喺大部分宗教都解答唔到我呢個問題既情況下，居然係孟子令我稍稍釋懷。
多謝孟子。多謝豬文。多謝荼毒室。
