幾個月前開始教日文。
當年考N1的時候沒想過會有一天教日文，而且教書從來都係我最唔想做的職業之一, 但係疫情就係會令你變成一個你無想像過的人。
話說其中一個學生就係覺得，一班人咁學日文比較難學到自己有興趣的日文, 而且進度亦都同自己學習速度有所不同, 於是幾個月前就搵左我一對一咁教, 我地既堂上時間由每個星期一小時, 慢慢加到一個星期兩小時。事實上, 隨住程度加深, 一小時一課根本教唔晒, 兩小時一課有時都好勉強, 主要睇吓同學有冇好奇心, 同對日本文化的興趣有幾大。如果講開有興趣的題目, 一個新的詞彙分分鐘可以講半小時都得。
好似呢次咁, 剩係講お寺同神社的分別, 已經講左15分鐘, 好彩學生對日本文化都好有興趣, 如果唔係一定覺得我呃緊學費。想當年自己學的時候, 雖然遇到一個好好的老師, 會主動教好多教科書入面無的內容, 但係始終係一班人上課, 有好多同學未必有興趣聽太多side track野, 所以都有幾多冷知識係靠自己搵資料去學。知多D, 對考試唔一定有幫助, 但係睇日本節目, 去日本玩既時候就好有用, 起碼你見到嗰D紅噹噹既門, 會知道佢地個名係鳥居。
教左一段時間, 發現自己都幾喜歡教書, 尤其是教成人學生, 因為有好多話題都會容易D有共鳴, 亦會容易聯想到我提出的類比。唔知將來有冇機會教小朋友日文呢。
