疫情下, 網店風行一時, 尤其是可以打卡的IG甜品及麵包店, 所費無幾, 最平幾十蚊就有交易, 而且直接宅配到家, 成為美食KOL的新寵無容置疑。被愛Bagel朋友洗版式推介後, 6月頭忍唔住將網購bagel的第一次奉獻咗俾 @brickery.bread 少少地都要寫返個食評仔。
這間Bagel IG shop大大隻字寫住"只做口感不做爆餡", 所以質感煙韌有咬口，排名先後純為個人口味：
1）墨西哥辣椒芝士蕃茄
不論香氣或重量都極似pizza但口感依然是實實在在的bagel，大辣口味對我來說是醒胃的好選擇（我媽話仲辣過辣雞麵🤣），是回購的必然之選。
2）印度香料奶茶
茶系列bagel當中香氣最濃烈霸道的一枚，回購之選穩佔亞軍位置，食完成間房都係印度味。
3）伯爵茶芒果乾
第一個開封的bagel，不論質感或口味都是我超喜歡，伯爵茶香濃令芒果乾失色，無損我對她的喜愛，隔了大半天再吃剩下的一半還是一樣好吃。
4）自家蜜餞檸檬錫蘭紅茶
檸檬茶真係香港代表飲品之一，檸檬茶味嘅食物難食得有限，當然呢個完全無失望啦，最驚喜係食完之後個口入面仍然充斥住香濃檸茶味，餘音嫋嫋，回甘仲厲害過飲杯真正嘅檸茶。
4）宇治焙茶
焙茶清香，包體非常紮實，要加咗蜂蜜cream cheese先發現原來bagel本身可以一啲甜味都無，甜味會令香味更易誘發出嚟，而bagel無加甜味你可以想像店主有自信，包體本身已經夠真材實料而唔需要再添加其他嘢。
5）桂花黑糖糖漬橙皮
桂花清香撲鼻但亦有一貫問題就是帶有花的苦澀味，加上橙皮回甘偏重，齋食會有苦味，加蜂蜜合桃cream cheese 成件事好好多。
